
अशोक कुमार यादव
मुंगेली (छत्तीसगढ़)
********************
(छत्तीसगढ़ी बोली)
रेंग तँय ह सत के रद्दा म, असत ले छोड़ा ले पाछू।
आखिर म जीत होही तोर, रहिबे सब जन ले आगू।।
दाई-ददा के सेवा कर, जीते-जियत म मत दे दुख।
सियान के कहना ल मान, बाद म पाबे तँय ह सुख।।
पर नारी ल माता मान, झन लगा ओखर बर बानी।
रावन घलो ह नइ बाँचिस, जेन ह रहिस अभिमानी।।
अदि करना हे त मदद कर, गरीब मन के कर भला।
तोला दुआ मिलही उँकर, मन म खुशी के दीया जला।।
मितान मेर निभा मितानी, सुख-दुख म संग दे ओला।
आगू-के-आगू ले कर बूता, तभे जम्मो सहराहीं तोला।।
गुरु के हरदम कर बंदना, ओखर मत करबे अपमान।
तँय ह सबले बढ़िया बनबे, जग म पाबे खूब सम्मान।।
जब भी बोल गुरतुर बोल, हमेशा काम के पूरता बोल।
चारी-खोदारी ले दुरिहा रह, जिनगी म महुरा मत घोर।।
लड़ई, झगरा ले कोनों नइ बने, होथे ग बिंदरा-बिनास।
छीन भर के गुस्सा हे अंगरा, जरो के करथे सत्यानाश।।
दारु, मंद के चक्कर छोड़, जियन दे बोकरा, कुकरी ल।
पढ़-लिख के लायक बन, गियान मंतर फूँक फूँकनी म।।
एकता ले रहव जुरमिल, देश बिकास खातिर काम कर।
फेर आही संगी रामराज, तँय तो प्रभु राम जइसन बन।।
निवासी : मुंगेली, (छत्तीसगढ़)
संप्राप्ति : शिक्षक एल. बी., संस्थापक एवं अध्यक्ष यादव समाज सेवा, कला, संस्कृति एवं साहित्य उन्नयन समिति मुंगेली।
प्रकाशित पुस्तक : युगानुयुग
सम्मान : मुख्यमंत्री शिक्षा गौरव अलंकरण ‘शिक्षादूत’ पुरस्कार से सम्मानित, उत्कृष्ट शिक्षक सम्मान, छत्तीसगढ़ हिन्दी रत्न सम्मान, अटल स्मृति सम्मान, बेस्ट टीचर अवॉर्ड।
घोषणा पत्र : मैं यह प्रमाणित करता हूँ कि सर्वाधिकार सुरक्षित मेरी यह रचना, स्वरचित एवं मौलिक है।
राष्ट्रीय हिन्दी रक्षक मंच पर अपनी रचनाएँ प्रकाशित करवाने हेतु अपनी कविताएं, कहानियां, लेख हिंदी में टाईप करके हमें hindirakshak17@gmail.com पर अणु डाक (मेल) कीजिये, अणु डाक करने के बाद हमे हमारे नंबर 98273 60360 पर सूचित अवश्य करें …🙏🏻 राष्ट्रीय हिन्दी रक्षक मंच का सदस्य बनने हेतु हमारे चलभाष क्रमांक 98273 60360 पर अपना नाम और कृपया मुझे जोड़ें लिखकर हमें भेजें…🙏🏻















